Published 9 hours ago • loading... • Updated 9 hours ago

અમદાવાદમાં નશાનો નવો ટ્રેન્ડ, અટલ બ્રિજ પાસે કફ સિરપની ખાલી બોટલોનો રાફડો

Summary

શહેરમાં નશાનો એક નવો અને અત્યંત ચિંતાજનક ટ્રેન્ડ સામે આવ્યો છે, જે સીધું મોતને આમંત્રણ આપી રહ્યો છે. દવા તરીકે ઉપયોગમાં લેવાતી ‘કોડીન ફોસ્ફેટ કફ સિરપ’ (Codeine Phosphate) હવે નશાખોરો માટે નશો કરવાનું આસાન સાધન બની ગઈ છે. રિવરફ્રન્ટના અટલ બ્રિજ નજીકના પ્લોટમાંથી મળી આવેલી મોટી સંખ્યામાં ખાલી બોટલો આ ભયાનક વાસ્તવિકતાની સાક્ષી પૂરે છે. આ મામલે SOGની ટીમે 800 થી વધુ બોટલો જપ્ત કરીને એક આરોપીની ધરપકડ કરી છે. આ કફ સિરપે કોરોના કાળમાં લોકોને શરદી-કફમાં મોટી રાહત આપી હતી, પરંતુ તેનાથી ઊંઘ આવતી હોવાથી નશાખોરો તેનો દુરુપયોગ કરી રહ્યા છે. આ ઝેર યુવાનો સુધી કોણ પહોંચાડે છે તે જાણવા પોલીસ સપ્લાય ચેઇનની કડીઓ જોડી રહી છે. તંત્રની ઢીલી કામગીરી સામે સ્થાનિકો સવાલ ઉઠાવી રહ્યા છે. આ ગંભીર મુદ્દે કેમિસ્ટ એસોસિયેશનના પ્રમુખ અને સેક્રેટરીએ સ્પષ્ટ કર્યું છે કે મોટાભાગના કેમિસ્ટો ડોક્ટરના પ્રિસ્ક્રિપ્શન વગર આ સિરપ આપતા નથી. હવે સરકારના કડક આદેશ મુજબ, પ્રિસ્ક્રિપ્શન વગર કોઈપણ સિરપના વેચાણ પર સંપૂર્ણ પ્રતિબંધ મુકાયો છે.

This story is only covered by news sources that have yet to be evaluated by the independent media monitoring agencies we use to assess the quality and reliability of news outlets on our platform. Learn more here.