Published 17 days ago • loading... • Updated 17 days ago

මාලිමා මන්ත්‍රීනී අම්බිගා පාසලක වැසිකිළියක් සඳහා මුල්ගල තියයි ! දරුවන් බෑන්ඩ් ගහලා පිළිගනියි !

Summary

‘ගම් දහසක වැඩ දහසක්’ ජාතික වැඩපිළිවෙළ යටතේ හපුතලේ ප්‍රදේශයේ පාසලක නව වැසිකිළියක් ඉදිකිරීම සඳහා මුල්ගල් තැබීමේ උත්සවය පසුගියදා උත්කර්ෂවත් අන්දමින් පැවැත්විණි. ජාතික ජන බලවේගයේ බදුල්ල දිස්ත්‍රික් පාර්ලිමේන්තු මන්ත්‍රීනි අම්බිගා සැමුවෙල් ගේ ප්‍රධානත්වයෙන් මෙම ව්‍යාපෘතියේ කටයුතු ආරම්භ කෙරුණු අතර, ඒ සඳහා මූල්‍ය හා ප්‍රතිපාදන දායකත්වය සපයා ඇත්තේ ‘ගම් දහසක වැඩ දහසක්’ සංවර්ධන වැඩපිළිවෙළ මඟිනි. අදාළ පාසල් පරිශ්‍රයේ පැවැති මෙම උත්සවයට ප්‍රධාන ආරාධිත අමුත්තා ලෙස සහභාගි වූ මන්ත්‍රීවරියව, එම පාසලේ දරු දැරියන් විසින් විචිත්‍රවත් තූර්ය වාදන කණ්ඩායම් පෙරදැරි කරගනිමින් මහත් හරසරින් යුතුව පිළිගනු ලැබීය. පාසල් සිසුන්ගේ සෞඛ්‍ය හා සනීපාරක්ෂක පහසුකම් නංවාලීම අරමුණු කරගනිමින් මෙම වැසිකිළිය කඩිනමින් ඉදිකර සිසු අයිතියට පැවරීමට නියමිතය. මෙම අවස්ථාවට ප්‍රදේශයේ දේශපාලන අධිකාරියේ නියෝජිතයන්, විදුහල්පතිවරයා ඇතුළු ආචාර්ය මණ්ඩලය, සිසු දරු දැරියන් සහ දෙමාපියන් ඇතුළු විශාල පිරිසක් එක්ව සිටියහ.

This story is only covered by news sources that have yet to be evaluated by the independent media monitoring agencies we use to assess the quality and reliability of news outlets on our platform. Learn more here.