တနင်္သာရီမြို့နယ်ရှိ စစ်ဘေးရှောင်များတွင် ငှက်ဖျားရောဂါ အဖြစ်များပြီး ဆေးဝါး နှင့် ရိက္ခာ အရေးပေါ်လိုအပ်နေ - ကေအိုင်စီ

တနင်္သာရီမြို့နယ်ရှိ စစ်ဘေးရှောင်များတွင် ငှက်ဖျားရောဂါ အဖြစ်များပြီး ဆေးဝါး နှင့် ရိက္ခာ အရေးပေါ်လိုအပ်နေ - ကေအိုင်စီ

ဇွန် ၂၉ ရက်၊ ၂၀၂၆ ခုနှစ်။ ကေအိုင်စီ တနင်္သာရီတိုင်းဒေသကြီး၊ တနင်္သာရီမြို့နယ်အတွင်း ထွက်ပြေးတိမ်းရှောင်နေရသည့် စစ်ဘေး ရှောင်ပြည်သူများအကြား ငှက်ဖျားရောဂါနှင့် ရာသီပေါ်တုပ်ကွေးရောဂါများ အဖြစ်များလာနေပြီး အရေးပေါ်ဆေးဝါးနှင့် ရိက္ခာအကူအညီများ လိုအပ်နေကြောင်း မြေပြင်စစ်ဘေးရှောင်ကူညီသူများထံမှ သိရသည်။ အဆိုပါ စစ်ရှောင်နေရသူများအနေဖြင့် စစ်အုပ်စု၏ စစ်ကြောင်းထိုးမှုများကြောင့် တစ်နေရာမှ တစ်နေရာသို့ အကြိမ်ကြိမ် ရွှေ့ပြောင်းနေထိုင်ရပြီး နေရာထိုင်ခင်း မလုံလောက်သလို ပြီးခဲ့သည့် မေလနှင့် ဇွန်လဆန်းပိုင်းမှ စတင်၍ တုပ်ကွေးဖျားနားခြင်းများ ဖြစ်ပေါ်နေခြင်းဖြစ်သည်ဟု သိရသည်။ မြေပြင်စစ်ဘေးရှောင် ကူညီနေသူတစ်ဦးက “စစ်ဘေးရှောင်တွေထဲမှာ ငှက်ဖျားဖြစ်နေတာကို စုစုပေါင်း စာရင်း သီးသန့်ပြုစုထားတာတော့ မရှိဘူး။ ဒါပေမဲ့ စစ်ဆေးလိုက်တိုင်း ရွာတစ်ရွာမှာ လူ ၁၀ ယောက်လောက်အထိ အမြဲတွေ့ရတယ်။ ငှက်ဖျားရောဂါအပြင် တုပ်ကွေးရောဂါတွေလည်း ပိုဖြစ်လာနေတယ်” ဟု […]